مجرد إحساس في لحظة جنون

وليد القحل الخميس سبتمبر 01, 2011 2:27 pm

بسم الله الرحمن الرحيم

السلام عليكم ورحمة الله وبركاته

********************************
مجرد إحساس في لحظة جنون

لما حبيتك وعشقتك وهويتك

في عينيك شفت احلامي

وبين إيديك نسيت حزني وآلامي

وبكلمة بحبك لقيت الدنيا عيد

وإتولد جوايا إحساس جديد

لكن برجع وأقول دا يمكن يكون

مجرد إحساس في لحظة جنون

بنظره مشاعري راحت ليك

وبورده حمرا إرتبطت بيك

لما تزعلني كنت بشكيلها

ولما بشتقلك كنت بحكيلها

وأحس إن الورده بتسافر ليك

وترجع وتطمن قلبي عليك

لكن برجع وأقول دا يمكن يكون

مجرد إحساس في لحظة جنون

كنت بتخيل وأتخيل

لحد ما الدنيا تليُل

واشوف القمر آلاقي صورتك بضياه

ونجمه في السما كاتبه إسمك جواه

وأسرح وفكري يروح لبعيد

وأحس إن قلبي جوايا سعيد

لكن برجع وأقول دا يمكن يكون

مجرد إحساس في لحظة جنون

ومرت أيام والنوم مفارق عيني

صابره يمكن في يوم تجيني

ويكون لقائنا من غير ميعاد

ونطفي في قلوبنا شوق البعاد

وأحس إن الدنيا بتقسى عليا

وأقول برجوعك هتصفى ليا

لكن برجع وأقول دا يمكن يكون

مجرد إحساس في لحظة جنون

وفرقتنا أيام وليالي وسنين

وكل يوم بيكبر جوايا الحنين

حنين لعمرنا وحبنا وهوانا

في لحظة وداعنا وفي لحظة لقائنا

عمري ما إتصورت إن الدنيا ديه

تدخلني دنيا الغرام مجرد ضحيه

وآلاقي قلبي بيلومني بعتاب

لحب حبيته وأصبح سراب

لكن برجع وأقول حبي ليك لا يمكن يكون

مجرد إحساس في لحظة جنون

********************************
لـِنكُنْ آروَاحْ رَاقِـيَـة
نَتسـامْى عَنْ سَفـاسِفَ الأمُـورْ وَعـَنْ كُـلْ مَـايَخِدشُ نـَقائِنـا
نًحترِمْ ذآتنـَا وَنـَحتـِرمْ الغَـيْر .. عِنـدَمـْا نتـَحدثْ نتحَـدثْ بِعُمـْق
نـَطلبْ بـأدبْ .. وَنشُكر بـِذوَقْ .. وَنـَعتذِرْ بِـصدقْ
نتـَرفـْع عَـن التفَاهـَاتـْ والقِيـلَ والقـَالْ .. نُحِبْ بـِصَمتْ وَنغَضبْ بـِصَمتْ
وإنْ آردنـَا الـَرحِيلْ ..
نَرحـَلْ بـِصَمتْ