مرثية سعود حازمي قحل

بسم الله الرحمن الرحيم

قال تعالى { كل نفس ذائقة الموت ثم إلينا ترجعون }

لله ما أخذ ولله ما أعطى والحمد لله على قضائه وقدره
أسأل الله الكريم رب العرش العظيم أن يتقبّله في الصالحين

وأشكركم على التعزيه وأقول لا أراكم الله مكروه




الـحــمــد لله ربـــنـــا الـــواحـــد الـــفـــرد الـــســـلام
جـــل وتـعـالـى كـلـنـا دايـــم عـلــى بــابــه وقــــوف

الـلـي وجـدنـا مـــن عـــدم والـلــي رزقـنــا بالـتـمـام
سبحـان ربـي مـا أكرمـه دايـم علـى خلقـه عطـوف

لطـفـك وعـفــوك ربـنــا يـابـاعـث ٍ خـيــر الأنـــام
محمـد الـلـي دعـوتـه كـابـد مـعـه أقـسـى الـظـروف

موقـف حصـل مايمحـي لـو مـر عـام ٍ بـعـد عــام
رحل عزيز ٍ بيننـا وشمـس الفـرح جاهـا كسـوف

غـادر وطويـت صفحـة في اول ايام شـهـر الصـيـام
يالله تــغــفــر زلـــتّـــه يــاربــنــا وحـــــــدك رؤوف

مـانـي أجــاري قافـيـه ولانــي أبــا أكـتـب والـسـلام
بغيـت أترجـم للحـزن عـبـر القـلـم عـبـر الـحـروف

الحـمـد لـــك يـاربـنـا دام الـرضــاء أفـضــل وســـام
والـلــي مـقّــدر مـاعـنـه مانـمـنـعـه لــونــا نــشــوف

مـات الغنـي مـات الفقيـر مـات الكهـل مـات الغـلام
دنيـا ً تقلّـب والبعـض فـي حبهـا أصـبـح شـغـوف

ســـاروا وحـنــا بـعـدهـم والـمــوت مـاعـنّـه كــــلام
مـابــه مـخـلّـد يـابـشـر جـيـنـا ورحـنــا كالـضـيـوف

يــارب تقـبـل سعود فــي جـنـتـك مـحــي الـعـظـام
وتجعل ماصابه من الم تكفير ذنب ٍ ومخلوف

لـحـظـة وفـاتــه عشـتـهـا أشـــوف هـالـدنـيـا ركــــام
يـومـي أشــوف مغسّـلـه ياشـيـن لحـظـات الـوقـوف

صـدمـه كـبـيـره مـوجـعـه يـومــه يحـطـونـه بـخــام
لـكـن عـسـى الله يقبـلـه فــرد ٍ تعـلـى بـالـوصـوف